Уапсен Британец од амбасадата во Берлин поради шпионирање за Русија

Берлин/ Фото: EPA-EFE/FOCKE STRANGMANN

Британец вработен во амбасадата во Берлин вчера бил уапсен поради сомневање дека извршил шпионажа за Русија, пренесува Би-Би-Си.

Германските федерални обвинители велат дека мажот, именуван како Дејвид С. (57), работел во британската амбасада во Берлин.

Наводно, тој „барем еднаш“ им предал документи на руските разузнавачи во замена за „непозната сума“ на пари.

Тој бил уапсен во вторникот во Потсдам, пред Берлин, а полицијата извршила претрес во неговиот дом и на работното место.

Апсењето било резултат на заедничка истрага на Британија и Германија.

Денеска тој ќе се појави пред судот во Германија. Од амбасадата велат дека тој бил вработен како локален персонал во амбасадата.

Видео на денот