Компанијата Твитер ќе почне да ги означува профилите на медиумските куќи поврзани со владите и државите членки на Советот на безбедност на Обединетите нации.

Новите ознаки нема да се применуваат на сите медиумски куќи кои имаат државни финансирање, туку само на „медиумите во кои државата има контрола над содржината низ финансиски ресурски, директен или индиректен притисок и контрола над продукцијата и диструбицијата“, било објавено на блогот на компанијата Твитер.

Ознаки, меѓу другите, ќе добијат профилите на Чајна Дејли, Раша Тудеј, Спутник и други медиумски куќи, навел портпаролот на Твитер.

Тие нема да бидат ставени на профилите на Глас на Америка и Радио Слободна Европа, двете медиумски куќи финансирани од американската влада, или на профилите на Ен-Пи-Ар и Би-Би-Си, кои се сметаат како „државно финансирани медиумски организации со уредувачка независност“.

Твитер ќе ги означи и профилите на некои државни функционери од петте држави членки кои постојани членки на СБ на ОН, вклучувајќи ги амбасадорите и министрите за надворешни работи.