Турција: Одлуката на САД за борбените авиони Ф-35 се коси со духот на Алијансата
Од Турција се незадоволни поради одлуката на САД да не им ги продадат ловечкиот борбени авиони Ф-35, па сметаат дека оваа одлука е „против духот на НАТО“.
„Овој едностран чекор се коси со духот на Алијансата и не се темели на никакво легитимно оправдување. Не само што не е фер Турција да биде исфрлена од програмата во којашто е партнер, туку и тврдењето дека С-400 ќе го ослабне ‘Ф-3’ е неточно“, се наведува во соопштението на министерството, пренесе „АП“
Турција минатата недела почна да добива делови од рускиот ракетен систем за одбрана „С-400“, што беше причина за официјален Вашингтон да ја донесе оваа одлука, Турција да биде суспендирана од програмата на ловечките авиони „Ф-35“.
Турција не се откажа од С-400, а турскиот претседател, Реџеп Тајип Ердоган изјави дека системот ќе биде целосно воведен во април 2020 година.