Тринаесетгодишниот дизајнер Милан од Париз, стана најмладиот практикант на „Луј Витон“, откако неговата мајка Луиза Одеса сподели фотографии од неговите дизајни на социјалните мрежи во ноември.

Луиз Одеса, од Париз, објави слики од скиците на нејзиниот син Милан на Икс, порано познат како Твитер, со надеж дека ќе му обезбеди одредено работно искуство, пишува „Дејли мејл“.

🛑🚨⏳️[HELP] Je dois trouver impérativement un stage de 3e pour mon fils Milan de 13ans…et pas n’importe quelle Maison…

Bonjour @LouisVuitton

Mon fils est juste un petit peu, beaucoup, passionné par votre marque et le cuir.

Il est aussi très doué sur Photoshop sur… pic.twitter.com/BWzdHu97u7

— Odessa (@LouiseOdessa) November 7, 2023

Во своите објави, мајката објаснила колку очајно сака да ги негува креативните таленти на Милан и знаела дека тој не би сакал да се стажира во „било која модна куќа“.

Милан, кој боледува од нарушување на вниманието, дизајнирал патики, багаж и салонки. Неговите скици потоа ги презел локален француски весник и го привлекол вниманието на луѓето од „Луј Витон“. Престижната куќа била толку импресионирана од дизајните на момчето што му понудиле стажирање.

– Таму е поубаво отколку на училиште. Се чувствував како да припаѓам на заедницата – изјавил Милан.

За време на стажирањето, Милан продолжил да прави скици и креирал актовка во согласност со креативната визија на брендот. По една недела стажирање, мајката на момчето им се заблагодарила на сите што ѝ помогнале да го оствари сонот на нејзиниот син.

– Верувајте во себе! Верувајте во своите соништа! Сè е можно – изјавила таа.