Три имиња во игра за нов менаџер на Манчестер јунајтед
Управата на Манчестер јунајтед по Маурисио Покетино и Ерик тен Хаг, додаде и трето име на листата на потенцијални тренери за следната сезона, тоа е актуелниот предводник на Саутемптон, Ралф Хазенхитл.
Англиските медиуми пшуваат дека Хазенхитл ја импресионирал управата на Јунајтед и поради тоа е додаден на листата на потенцијални наследници на Ралф Рангник.
Германецот веќе три години седи на клупата на Саутемптон кој моментно се наоѓа на деветтото место на табелата во Премиер лигата, што за многумина е изненадување бидејќи на стартот од сезоната на „светците“ им предвидуваа борба за опстанок.
Хазенхитл сезонава оствари добри резултати против посилните екипи, ремизираше со Манчестер сити и со Манчестер јунајтед, а го победи Тотенхем.
Актуелниот менаџер на Манчестер јунајтед, Ралф Рангник, на крајот од сезоната ќе си замине од клупата и ќе добие функција во управата на „црвените ѓаволи“.