Торбата „Луј Витон“ од видеото на „Ла верита“ која во рацете на Бојан Јовановски викан Боки 13 ги прошетала европските метрополи не завршила меѓу доказите на обвинителката Вилма Рускоска, објави Телма.

Скапата брендирана чанта која доби нуште поголема вредност затоа што транспортирала милион евра јавноста виде дека тргнала од домот на Орце Камчев, но каде завршиле парите не се знае.

„Чантата за која покажувате интерес не е дел од доказите на предметот „Рекет“ и обвинителството нема докази дека во неа бил вграден уред за следење. Имено, сведокот ниту во исказ даден пред јавен обвинител, ниту пред судот не изјавил дека во чантата е вграден каков било уред“, реагира Јавното обвинителство.