Тинејџер со спектакуларните „ножички“ до наградата „Пушкаш“! (ВИДЕО)
Неговите спектакуларни „ножички“ беа реализирани во 93 минута на дуелот од унгарскиот фудбалски шампионат помеѓу својот Дебрецен против Ференцварош.
Овој меч се одигра годинава во февруари во текот на минатата сезона, Шори (18) го имаше своето лигашко деби во Унгарија.
OFFICIAL: Daniel Zsori wins the wins the 2019 #Puskas award for his goal against Ferencvaros.#TheBestAwards pic.twitter.com/IcBhRKa8Il
— Goal (@goal) September 23, 2019
Тој погодок беше и победнички на средбата (2:1), а летово направи трансфер во редовите на МОЛ Фехервар каде што настапуваат двајцата македонски репрезентативци Висар Муслиу и Бобан Николов.
Во конкуренција за наградата „Пушкаш“ која ја доделува ФИФА беа уште Лионел Меси кој за Барселона имаше прекрасен лоб против Бетис, и Колумбиецот Кинтеро од Ривер кој имаше еден фантастичен погодок од слободен удар.
Да додадеме уште дека Јирген Клоп беше прогласен за најдобар тренер на годината. Стручњакот кој на Ливерпул му донесе европска титула, и за малку не ја освои титулата во Премиерлигата, очекувано доби најмногу гласови, и ја доби наградата на гала-церемонијата во миланската Скала.