Тенисерката Радукану за една година победила само на пет меча, а заработила над 15 милиони долари
Британката е многу популарна во јавноста, има дарежливи спонзори и е шеста во светот на тенисот според заработувачката, иако речиси не игра
Британската тенисерка Ема Радукану е на шестото место на ранг-листата на спортисти од овој спорт (според Форбс) што најмногу заработиле во 2023 година, а меѓу тие шестмина е втората жена.
Ова е куриозитет затоа што Радукану годинава победила само на пет меча, а парите што ги заработила се од вносни договори со спонзори. Од наградите на турнирите таа заработила 300.000 долари, а од спонзори 15 милиони долари.
Главни спонзори и се Евиан, Бритиш ервејз и Диор. Заработувачката вртоглаво и расте иако не игра мечеви.
На првото место на оваа листа е Новак Ѓоковиќ (13,4 милиони долари од турнири, 25 милиони од спонзори), втор е Карлос Алкараз (11,4 милиони од турнири, 20 милиони од спонзори), трета е Ига Швјонтек (8,4 милиони од турнири, 14 милиони од спонзори), четврти е Данил Медведев (7,1 милион турнири, 13 милиони спонзори), петти Рафа Надал (1,5 милиони од турнири, 14 милиони од спонзори)….