Светскиот шампион Квартараро до првата победа сезонава во Мото ГП
Актуелниот шампион во Мото ГП, Фабио Квартараро, дојде до својата прва победа во сезоната, откако славеше на Големата награда на Португалија, петта трка во шампионатот.
Се најде на највисокото скалило на подиумот по 10 пат на патеката Алгарве, откако речиси цела трка беше на врвот.
Најблиску до возачот на „Јамаха“ беше неговиот сонародник Жоан Зарко на „Прамак Дукати“, но заостана пет секунди, додека трет беше возачот на „Априлија“, Алеиш Еспаргаро.
Покрај Квартараро, епитетот херој на трката го заслужува и Алекс Ринс, кој стартуваше од 23 позиција на „Сузуки“ и заврши како четврти.
An awesome performance in the Algarve! 🥇@FabioQ20 comes out swinging in Europe! 👊#PortugueseGP 🇵🇹 pic.twitter.com/n5NUx9CZpU
— MotoGP™🏁 (@MotoGP) April 24, 2022
Благодарение на победата, Квартараро сега е на лидерското место во генералниот пласман со 69 бодови, колку што има и Ринс, следуваат Еспаргаро со 66 и Бастианини со пет помалку.
Следната трка од Светскиот шампионат е закажана за следната недела за Големата награда на Шпанија во Херез.