Судот во Барселона донесе пресуда: Нејмар ослободен од обвиненијата за измама и корупција
Судот во Барселона ги ослободи бразилскиот фудбалер Нејмар, неговиот татко, поранешниот претседател на Сантош Одилио Родригес и поранешните директори на Барселона Сандро Росел и Хосеп Бартомеу за измама и корупција во врска со трансферот на Нејмар од Сантош во Барселона во 2013 година, пренесува „Мирор“.
Постапката беше покрената на суд во 2015 година од бразилската инвестициска компанија ДИС, која беше носител на 40 отсто од правата на тој играч.
„ДИС“ го обвини Нејмар и другите дека намерно ги кријат трошоците за неговиот трансфер за да избегнат да ѝ го исплатат уделот на бразилската компанија.
Neymar and Barcelona have been acquitted of fraud and corruption by a Spanish court after being accused of intentionally hiding the value of his transfer to the Catalan giants nine years ago.https://t.co/i8eGkeXYCD
— Irish Daily Mirror (@IrishMirror) December 13, 2022
Шпанскиот суд во денешното соопштение наведе дека не е докажано дека имало договор со измама или дека „ДИС“ намерно бил оштетен.
Нејмар помина четири години во редовите на Барселона и во тој период освои една титула во Лигата на шампионите и две шампионски титули во Шпанија.