Барселона денеска одигра само 2:2 на гостувањето кај Селта и направи огромен чекор наназад во трката за шампионската титула во Ла Лига.
Ремито, но и променливите игри на Барселона на гостински терен го налутија напаѓачот Луис Суарез кој денеска ги постигна двата гола за својата екипа.

– Се чувствува негативна атмосфера по губењето на два многу важни бодови и сега мора да победиме на секој натпревар до крајот и мора да чекаме Реал да киксне и да загуби бодови. Фрустрацијата се лувствува, а на тренерите е да анализираат зашто не победивме и играме вака слабо. Не сме навикнати да играме вака, Барселона никогаш не губела бодови на ваков начин – изјави Суарез.

Барселона по ремито остана на првото место на табелата во Ла Лига со 68 бода, еден повеќе од Реал Мадрид кој има и натпревар помалку.