„КоронаВак“, вакцината против Ковид-19 на кинеската компанија Синовак, е 67 проценти ефикасна во спречување на симптоматска инфекција, соопшти денеска чилеанската Влада по добиените податоци од општата популација.

Вакцината е ефикасна 85 проценти во спречување на хоспитализации и 80 проценти во спречување смрт, се вели во извештајот на чилеанското Министерство за здравство.

Во студијата учествувале 10,5 милиони луѓе и заклучоците се подобри од оние презентирани од Синовак по клиничките испитувања.

Слични студии беа спроведени во Бразил, Индонезија и Турција и покажаа дека вкупната ефикасност на вакцината се движеше од 50,4 до 65 проценти, а една студија во Турција покажа дека 100 проценти е ефикасна во спречување на тешки форми на Ковид-19 и хоспитализации.