Работен состанок меѓу министерот за внатрешни работи Оливер Спасовски и постојаната претставничка на канцеларијата на УНДП во Скопје, Нарине Сахакјан се одржа денеска во Министерството за внатрешни работи.

На работниот состанокот на кој покрај министерот Спасовски присуствуваа и директорот на Бирото за јавна Бебедност Сашо Тасевски и заменик директорот на БЈБ, Бесир Деари, како што соопшти МВР, беа разгледани тековните проекти кои министерството ги остварува со канцеларијата на УНДП во Скопје од областа на унапредување на националните практики за мало и лесно оружје.

Од страна на постојаната претставничка Сахакјан уште еднаш беше потврдена поддршката за имплементација на втората фаза од проектот, како и можноста за идна соработка помеѓу двете страни во областа на нелегалната миграција, стои во соопштението од МВР.