Спој на солено и благо: Вкусниот сендвич „Монте Кристо“
Познатиот сендвич „Монте Кристо“ е интересна спојка на вкусови. Тој е сладок, но и солен истовремено, и претставува комбинација од швајцарското тврдо сирење гријер, шунка и сенф во похувано лепче, кое потоа се посипува со шеќер во прав или се премачкува со џем од малини.
Името на сендвичот е омаж на францускиот писател Александар Дима и неговиот роман „Грофот Монте Кристо“. Името укажува на потеклото на овој необичен специјалитет, кој е создаден како варијација на попопуларниот француски сендвич „croque monsieur“.
Додека некои луѓе ја обожаваат комбинацијата на слатко и солено, други решиле целосно да го тргнат џемот и шеќерот во прав од рецептот. Па, ваше е да одлучите како ќе го приготвите овој познат сендвич.
Потребни состојки:
- 4 парчиња леб
- 170 гр сирење гријер
- 170 гр шунка
- 2 лажички сенф
- 2 јајца
- 60 мл млеко
- 1/2 лажичка ванила
- 4 супени лажици путер
- шеќер во прав и џем од малини (по избор)
Подготовка:
Ставете четвртина од ренданото сирење и половина од шунката намачкана со лажичка сенф на парче леб. Додадете уште една четвртина од сирењето, а потоа парче леб. Повторете ја постапката за вториот сендвич.
Растопете две лажици путер во тава на средна топлина.
Во плиток сад измешајте ги изматените јајца, млекото и ванилата. Земете го сендвичот и натопете ги двете страни во смесата со јајца.
Ставете го сендвичот во тавата и пропржете го две-три минути од секоја страна, сѐ додека не порумени. Додадете ги преостанатите две лажици путер во тавата и повторете ја постапката со другиот сендвич.
Исечете го секој сендвич дијагонално. По желба, посипете со шеќер во прав или премачкајте го сендвичот со џем од малини.