Специјалци повторно „тресат“ во „Идризово“, откако изгоре автомобилот на заменик-директорот
Припадници на специјалната единица на МВР доцна попладнево упаднале во затворот „Идризово“ и вршат претреси, објави „Макфакс“.
Специјалците дејствуваат во кординација со затворската управа, а блокирани се сите влезови и излези на полуотвореното и отвореното одделение, односно во новиот дел на затворот.
Неофицијално, како што пишува „Макфакс“, станува збор за справување со осуденици кои биле дел од наркогрупа која сега е проблематична за контролирање од страна на управата. Полицијата наводно повторно бара дрога, телефони, пари, оружје и други недозволени предмети.
Изминатава недела пред џамија во Студеничани беше запален службениот автомобил кој го користел заменик-директорот на „Идризово“, а претходно под неразјаснети околности изгореа и три автомобили на вработени во нашиот најголем затвор.
