Норвешкиот тенисер Каспер Руд се пласираше во полуфиналето на „Ролан Гарос“ откако го совлада данскиот тенисер Холгер Руне со 3:1 во сетови 6:1, 4:6, 7:6 (2) и 6:3. Осмиот играч на светот за првпат во својата кариера е во Топ 4 на еден од грен слем турнирите.

Ова беше прво скандинавско четвртфинале во историјата на парискиот грен слем турнир.

Руд во првиот сет направи два „брејка“ и лесно дојде до водство. Во следниот сет прв „брејк“ имаше Норвежанецот во петтиот гем, но во иста мера во следниот гем возврати Руне.

До одлучувачкиот „брејк“ Данецот стигна во 10 гем, без загубен поен. Тенисерите направија по еден „брејк“ во третиот сет, а сетот отиде во тај-брејк. Руд направи серија од пет врзани поени во тај-брејкот и со 7:2 го заврши 13 гем.

Клучниот момент во четвртиот сет се случи во осмиот гем, кога Руд ја реализира четвртата „брејк“ топка.

Руд за пласман во големото финале на грен слем турнирот во Париз ќе игра против 23 играч на светот Марин Чилиќ. Потсетување дека Хрватот го елиминираше Андреј Рубљов со 3:2 во сетови. Повеќе прочитајте ТУКА

🔥@CasperRuud98 IS THROUGH TO HIS FIRST GRAND SLAM SEMI-FINAL‼️@rolandgarros | #RolandGarros pic.twitter.com/aXpr5bcjXe

— ATP Tour (@atptour) June 1, 2022

Во втората полуфинална двојка најголемиот фаворит за титулата Рафаел Надал ќе ги одмери силите против Александер Зверев.

Во женска конкуренција полуфиналните мечеви се Ига Швјонтек (Полска) – Дарија Касаткина (Русија) и Мартина Тревизан (Италија) – Коко Гоф (САД).