Индустриското производство во јуни повторно опадна во Германија, и тоа втор пат за три месеци, што сигнализира слабоста на најголемата европска економија.

Министерството за економија соопшти дека во текот на јуни производството забележало пад за 1,5 отсто во однос на мај.

Претходно падот беше од 2,0 проценти во април, а скромен раст од 0,1 посто забележа во мај.

Економистите за јуни прогнозираа поскромен пад од 0,6 проценти.

Податоците за економски раст во вториот квартал треба да бидат објавени на 14. август.

Се верува дека германската економија остварила послаби резултати во периодот март-јуни, затоа што минатата зима забележа раст.

Официјалните податоци објавени вчера покажуваат дека фабричките нарачки во јуни неочекувано сериозно се зголемиле за 2,5 отсто, благодарејќи на масовните нарачки на стоки надвор од еврозоната.