Шпанија размислува околу донесување на нов закон со кој ќе се разгледува благосостојбата на домашните миленици при развод кај брачните другари, за да може да се одлучи кој ќе го презеде старателството.

Ваквата одлука следува откако слични вакви закони донесоа Франција и Португалија. Во овие земји домашните миленици нема повеќе да се разгледуваат како предмети и по разводот, паровите нема да можат сами да одлучат околу наследството, туку тоа ќе биде предвидено со закон, пишува Ројтерс.

„Домашните миленици се дел од семејството и кога едно семејство ќе се раздели, судбината на животното мора да биде подеднакво битна како и судбината на останатите членови на семејството“ вели адвокатката Лола Гарсиа.

Во октомври, судот во Мадрид им даде заедничко старателство на еден разведен пар, кој со месеци се двоумел за судбината на нивното куче. Сега кучето поминува по еден месец со едниот, па еден месец со другиот партнер.

Бројот на луѓе кои имаат домашни миленици е доста висок, а левичарската влада предводена од премиерот Педро Санчез стреми кон нови посериозни закони околу правата не само на домашните миленици, туку и општо на сите животни. Така на пример, дивите животни се забранети во циркузите, а забрането е и продавање на животни во „пет шопови“.

Но, во земја која е позната по борбите со бикови, многу од луѓето се скептични околу ваквите закони.