Шпанецот нема дилеми: Новак е подготвен да стане најдобар во историјата
Поранешниот шпански тенисер, Алекс Кореча, кој сега работи како ТВ аналитичар, смета дека Новак Ѓоковиќ покажа дека е подготвен да стане најдобар тенисер на сите времиња.
Ѓоковиќ оваа година победи на три грен слем турнири, Австралија Опен, Ролан Гарос и Вимблдон, и за два месеци доколку победи и на УС Опен ќе стане првиот тенисер по Род Лејвер кој го освоил календарскиот грен слем.
– Кога го победи Надал на Ролан Гарос во најдобриот меч на годината, Новак покажа дека е подготвен да стане најдобриот тенисер во историјата – вели Кореча.
Поранешниот тенисер истакна колку е тешко достигнување тоа што големата тројка, Федерер, Надал и Ѓоковиќ, освои по 20 грен слем титули.
– Мислевме дека ќе биде невозможно да се престигне Пит Сампрас со неговите 14 грен слем титули. Гледавме тениски великани како Борг, Мекинро, Едберг, но никој не ниту блиску до овие тројца тенисери.