Шолц сака заштита на руските регрути кои сакаат да избегнат мобилизација

Олаф Шолц
Олаф Шолц во Киев, Украина / 16 јуни 2022 / Фото: EPA-EFE/SERGEY DOLZHENKO

Германскиот канцелар Олаф Шолц се залага за обезбедување заштита за руските регрути кои бегаат од Русија и бараат засолниште во Германија, јавија денеска германските медиуми.

„Јас сум за обезбедување заштита на тие луѓе”, вели германскиот канцелар Олаф Шолц во интервјуто за весникот „Ноје оснабрикер цајтунг” на прашањето дали на регрутите кои нема да одговорат на повикот за мобилизација во Русија треба да им се даде политички азил.

Тој додаде дека пред да се обезбеди заштита, треба да се направат безбедносни проверки на секој апликант поединечно.

Германската Влада најави дека сака решението по прашањето да се најде „на ниво на ЕУ”.

Најголемата опозициска партија, Унијата ЦДУ/ЦСУ, претходно се спротивстави на давање заштита на луѓето кои сакаат да избегнат мобилизација во Русија.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот