Шкупи ја потврди разделбата со осум фудбалери
На крајот од регуларниот дел, 2022/23, на голем број фудбалери на Шкупи им беа раскинати договорите.
Стручниот штаб и раководството по анализите и разговорите кои се водеа со фудбалерите дојдоа до заклучок дека треба да се разделат.
Претходно тимот го напуштија голманот Кристијан Наумовски и Фреди Алварез, додека по завршувањето на сезоната како слободни фудбалери си заминаа и Владица Брдаровски, Џелил Абдула, Мелос Бајрами, Бесник Ферати и Пепи Георгиев.
Во меѓувреме, спогодбено е раскинат договорот со голманот Стефан Јакимовски.
Денеска тимот го започнува собирот, а започна и фазата на разговори со фудбалерите кои ќе бидат новите пристигнувања за новата сезона, која ќе ја започнат со квалификациските натпревари во Конференциската лига.