Северна Кореја ја призна Доњецката Народна Република, изјави лидерот на ДНР Денис Пушилин и додавајќи дека тоа е „уште една победа на дипломатијата“ на таа република.

– Демократска Народна Република Кореја денеска ја призна Доњецката Народна Република. Меѓународниот статус на Доњецката Народна Република и нејзината државност продолжуваат да се зајакнуваат. Тоа е уште една победа на нашата дипломатија – рече Пушилин во изјавата објавена на налогот на социјалната мрежа Телеграм.

Тој додаде дека оваа одлука „ќе биде основа за понатамошен развој на односите во економската сфера“, како и дека партнерството ќе ја прошири географијата на трговијата за компаниите во ДНР.

– Благодарни сме на народот на Северна Кореја за ваквата значајна поддршка за жителите на Донбас – изјави Пушилин и додаде дека се надева на активна и плодна соработка.