Седум автобуси возеле со неисправни сопирачки во Охрид, Струга и Кичево
Вчера, на подрачјето на СВР Охрид, се извршени засилени сообраќајни контроли на автобуси и други моторни возила што вршат јавен превоз на патници.
Имено, контролирани се 51 автобус (Охрид – 12, Струга – 15, Кичево – 19, Дебар – 5) од кои 47 се упатени во станици за технички преглед (Охрид – 12, Струга – 11, Кичево-19, Дебар – 5).
– Притоа, кај седум автобуси се констатирани неисправни уреди за запирање (Охрид – 3, Струга – 3, Кичево – 1), кај пет автобуси се регистрирани недостатоци од друга соодветна опрема (Кичево – 2, Дебар – 3) поради што се исклучени од сообраќај, а возачите се соодветно санкционирани, информираат од СВР Охрид.