После натпреварот помеѓу Вардар и Барселона наместо славење низ Келн и задоволство кај навивачите на Вардар, дошло до меѓусебна пресметка, пренесува 24ракомет.

Во близина на Ланксес арена се случил инцидент кога пијани навивачи на Вардар започнале да се тепаат меѓусебе, а според информации од очевидци и од полицијата, причината за тепачката било знамето на кое пишувало „Фантоми-Гевгелија“.

При тепачката имало повредении, а најтешко поминале неколку од навивачите кои заработиле скршеница на ногата, потрес на мозокот, повреда на око… Во близина на местото каде што се случил немилиот настан имало десетина полициски автомобили, дваесетина полицајци и две возила на брзата помош.

„Ова е срамота. Се истепаа млади навивачи на Вардар, кои не знаат што значи да бидеш комита и како се навива за Вардар“, вели еден од присутните кој бил сведок на тепачката.

Видеото погледнете го тука.