Нов играч на Њукасл е 23-годишниот Сандро Тонали кој до сега ги бранеше боите на Милан.

Официјално дефанзивниот играч од средниот ред потпиша договор со премиерлигашот кој ќе трае до 2028 година.

– Благодарност до Њукасл бидејќи ми дава голема можност за мојата кариера. Сакам да се оддолжам за довербата на теренот, давајќи го максимумот, како и секогаш. Навистина сум возбуден што ќе играм на Сент Џејмс Парк. Едвај чекам да ја почувствувам топлината на навивачите – рече Тонали.

Италијанскиот репрезентативец од 2020 година ги бранеше боите на Милан каде започна како позајмица, а претходно четири години беше дел од Бреша.

Со „росонерите“ успеа во сезоната 2021/2022 да ја освои титулата во Серија А.

✍️ We are delighted to announce the signing of Sandro Tonali from @acmilan.

The 23-year-old joins the Magpies for an undisclosed fee and has agreed a contract at St. James’ Park initially until 2028.

Welcome to Newcastle United, Sandro! 🇮🇹 pic.twitter.com/BbxrNUzVNo

— Newcastle United FC (@NUFC) July 3, 2023