Во судот во Москва заврши судењето на ММА-борецот Максим Новоселов (49) кој е осуден на пет години строг затвор поради силување на 18-годишна девојка, пишува „газета.ру“.

Спортистот бил приведен во март по забава во ноќен клуб каде што запознал две девојки.

Подоцна жртвата повикала полиција, велејќи дека таа и нејзината пријателка биле киднапирани од група мажи. Во полиција изјавила и дека била сексуално нападната.

Поради тоа, борецот прво бил уапсен два месеци, а на крајот на тој период престојот во истражниот затвор му бил продолжен на шест месеци.

Обвинителот побарал шестгодишен строг затвор за Новоселов, а одбраната барала спортистот да биде ослободен од обвинението, бидејќи како доказ за вина послужило само сведочењето на жртвата, кое било побиено со вештачења.

За Новоселов ова не е прво, па дури ни второ затворско искуство. Во раните 90-ти учествувал во криминалниот свет, а во 1993 година бил осуден на 14 години затвор под обвинение за убиство.

И во 2012 година, Новоселов бил осуден на три и пол години затвор за учество во бизнис со дрога.