Румер Вилис мета на критики на социјалните мрежи – „Изгледаш непрепознатливо“
Последната објава на Румер Вилис на социјалните мрежи предизвика лавина коментари на сметка на нејзиниот физички изглед.
Многумина се согласуваат дека најстарата ќерка на актерката Деми Мур и актерот Брус Вилис, 33-годишната Румер Вилис е „слика и прилика“ на нејзината славна мајка. На социјалните мрежи таа воодушевува со својот изглед и моден израз.
Неодамна на својот инстаграм-профил таа објави фотографија на која позира во жолта комбинација, истакнувајќи ја својата витка линија. „Заминувам… И искрено, навистина не знам дали повторно ќе се вратам…“, напиша Вилис во описот на фотографијата.
View this post on Instagram
Додека некои од нејзините следбеници и обожаватели ја пофалија убавината и забавниот летен стајлинг на Вилис, други изразија доза на загриженост.
„Ти си апсолутно убава, но те молам биди здрава“, „Таа е на работ да премине во нездраво“, „Ти треба храна“, „Би сакал да продолжиш да бидеш верна на твојата искреност за „body positive“ и да престанеш со филтрите. Изгледаш непрепознатливо, ти беше една од ретките на кои можевме да ѝ веруваме“, беа само дел од коментарите од загрижените обожаватели..