Родители од Љубљана нашле петарди кај нивното дете, па го пријавиле во полиција
Како што пренесува словенечки Н1, родители од Љубљана кај нивното дете пронашле пиротехнички средства, кои тоа ги купило без нивно знаење, а тие самите ја повикале љубљанска полиција.
„Со своето одговорно однесување дефинитивно му дадоа пример на детето и спречија евентуални повреди“, ги пофали љубљанската полиција родителите и додадоа дека се работи за речиси 400 парчиња пиротехнички производи.
Во Словенија употребата на пиротехнички средства е дозволена за физички лица од 26 декември до 1 јануари, а за нибна продажба од 19 декември до 31 декември.
Од љубљанската полиција велат дека голем акцент ставаат на превентивните мерки за намалување на употребата на пиротехнички средства кои ги спроведуваат заедно со училиштата и другите институции. „Затоа секоја година одржуваме неколку предавања на таа тема во основните училишта“, објаснуваат тие.
Нагласија и дека родителите имаат важна улога во информирањето на малолетниците за опасностите од пиротехниката. „Важно е да разговараат на оваа тема и да ги предупредат децата за опасностите и последиците од употребата на пиротехнички производи“, додаваат од Управата на полицијата во Љубљана.