Босфорскиот теснец кој го поврзува Црното Море со Средоземното Море, е затворен за бродови откако денеска таму се насука товарен брод од Украина, соопштија турските власти за ДПА.

Бродот Алексис превезува прехранбени производи од Украина до Египет. Дефект на моторот се случил во близина на излезот од водниот пат, изјави портпаролот на Управата за безбедност на крајбрежјето за ДПА.

Спасувачките напори се веќе во тек, додаде изворот.

Босфорот е зафатен канал и служел како излез за украинското жито на светските пазари во екот на руската инвазија.

Речиси 40.000 бродови поминале низ Босфорот во 2023 година, според турското Министерство за транспорт.