Славниот актер Роберт Де Ниро и Грејс Хајтауер во моментот поминуваат низ бракоразводната парница која на актерот наводно му го згорчила животот и значително влијаела на неговите финансии.

Имено, Грејс на облека, накит и останати луксузи месечно троши околу 215.000 долари од кредитните картички и околу 160.000 долари во кеш, а за тоа да го подмири, актерот мора да ги прифати сите улоги кои му се нудат.

„Господинот Де Ниро има 77 години, иако ја сака својата работа, тој во тие години не би требало да работи со вакво смешно темпо. По 12 часа дневно, без никаков одмор“, изјави адвокатката на Де Ниро.

Инаку, Роберт на државата и должи данок и хонорарот од двата наредни филма ќе оди исклучиво за таа цел, напомена адвокатката.

Меѓутоа, адвокатот на неговата сопруга тврди поинаку. Имено, се додека не се разведат, холивудската ѕвезда според предбрачниот договор би требало на својата, наскоро бивша сопруга, да и овозможи да живее онака како што таа е навикната.

Нејзиниот адвокат потсети и на тоа дека ниту Де Ниро не штеди на своите трошоци. Па така, актерот наводно со хеликоптер одел на појадок, а своите пријатели на Флорида ги посетувал со приватен авион.