Ракометарите на Вардар 1961 запишаа нови суперлигашки бодови откако во 10 коло ја оправдаа фаворитската улога против Бутел со 24:30 во спортската сала „Антон Димитров“. За скопските „црвено-црни“ тоа е 12 победа во меѓусебните дуели со РК Бутел, а четврта оваа сезона.

Најефикасни во победата со по пет голови беа Талески и Георгиевски, а 13 одбрани собраа голманите Ристовски и Гогов, а на спротивната страна Младеновски седумпати се запиша во листата на стрелците.

Во братското битолско дерби Еурофарм Пелистер со 31:26 славеше против Еурофарм Пелистер 2.

За Еурофарм Пелистер блескаше Костески со седум голови, а кај поразените истиот учинок го имаше Петровиќ.

На табелата по 30 бодови имаат Вардар 1961 и Еурофарм Пелистер, тимот на Бутел е петтопласиран со 10, а Еурофарм Пелистер 2 е на седмата позиција со седум.