Рио Фердинанд нема дилеми: Уште сега треба да почнат да го гравираат името на Бензема на „Златната топка“
Легендарниот дефанзивец на Манчестер јунајтед и на англиската репрезентација Рио Фердинанде импресиониран од Карим Бензема и неговиот хет-трик во победата на Реал Мадрид од 1:3 над Челси во првиот четвртфинален натпревар во Лигата на шампионите и смета дека Французинот е идниот добитник на „Златната топка“.
Фердинанд во анализата за телевизијата БТ Спорт беше импресиониран од играта на Бензема и што уште порача дека треба името на напаѓачот на Реал Мадрид уште да почне да се гравира.
– Мислам дека уште сега треба да се гравира името на Карим Бензема на „Златната топка“. Идниот добитник на „Златната топка“ е завршена приказна бидејќи само еден може да ја добие. Тоа е неверојатниот Карим Бензема кој со своите голови го донесе на чекор од освојување на титулата во Ла Лига и чекор поблиску до полуфиналето во ЛШ – рече Фердинанд.
Поранешниот дефанзивец исто така истакна дека Бензема долго време чекаше да излезе од сенката на Кристијано Роналдо.
– Додека Кристијано беше во Реал, Бензема беше понижен да седи во позадина бидејќи знаеше колку Роналдо му значи на клубот, но сега конечно излезе од сенката. Има 34 години и е најдобра „деветка“ на светот. Карим е неверојатен, голови, асистенции, чувство за игра… Се прави совршено – додаде Фердинанд.
Карим Бензема сезонава на 36 натпревари и постигна 37 гола и имаше 13 асистенции, додека со хет-трикот против Челси во ЛШ дојде до бројката од 11 гола на осум натпревари.