Лабораторијата за молекуларна дијагностика на Институтот за јавно здравје (ИЈЗ) на Црна Гора откри, а во соработка со српсккот Институт за вирусологија, вакцини и серуми „Торлак“ и го потврди првиот случај на мајмунски сипаници во Црна Гора, соопшти ИЈЗ.

„Регистрираниот случај е црногорски државјанин и е во добра општа состојба“, се наведува во соопштението.

Од Институтот соопштија дека се преземени сите неопходни мерки кон заболениот и неговите контакти со цел да се спречување и сузбие ширењето на заразната болест.

И Црна Гора се приклучи на листата од 79 земји каде е регистрирана оваа болест, пренесува РТЦГ.

„Институтот за јавно здравје на Црна Гора апелира до граѓаните да се придржуваат до превентивните хигиенски и епидемиолошки мерки и да ги почитуваат препораките на здравствените установи“, соопштува ИЈЗ.

Се додава дека Институтот за јавно здравје на Црна Гора ќе продолжи да ја следи епидемиолошката состојба и да ја информира јавноста.