Редок случај во Хрватска: Близначки се родиле со две минути разлика – едната во старата, а другата во новата година
Дочекот на Новата година во хрватскиот град Сплит го одбележа навистина интересен настан.
Имено, сестри близначки се родиле со две минути разлика – едното девојче се родило една минута пред полноќ, а другото девојче се родило една минута по полноќ. Со тоа, едната близначка е родена во 2023 година, а другата е родена во 2024 година.
„Вечерва навистина имавме една необична ситуација. Две сестри близначи се родија како во песната на Џибони – на полноќ, едната малку порано, а другата малку подоцна. Тоа ќе биде убава ситуација во ова среќно семејство, каде едниот роденден ќе се слави во старата година, а другиот во новата година“, рече Дамир Роје, раководител на Институтот за перинатологија, во изјава за Хрватската радио-телевизија.
Директорката на Клиничко-болничкиот центар во Сплит, Јулија Мештровиќ, ѝ честиташе на мајката и им посака на двете сестри долг и успешен живот.