Рецепт за плескавици од леб: Необичен оброк што ќе ви стане омилен
Во Македонија лебот е намирница што често се консумира и најчесто се јаде за појадок или за вечера. Домаќинките смислиле рецепти за користење бајат леб, како што се пржени лепчиња или попара. Доколку немате свеж леб, а не можете да замислите оброк без него, ви носиме одличен рецепт. Направете плескавици од леб и сирење кои дефинитивно на сите ќе им се допаднат.
Состојки:
– 1 пакување тост леб
– 350 мл млеко
– 400 г фета- сирење
– 20 г сусам или семки
– 5 јајца
Подготовка:
Издробете го тост лебот, па прелијте го со млеко. Оставете да отстои неколку минути, а потоа со виљушка издробете го. Треба да добиете густа смеса.
Потоа, во смесата додадете ги изматените јајца, издробеното сирење, како и сусамот или семките и зачинете по ваш вкус. Сè убаво соединете.
Со лажица вадете од смесата и пржете во загреана тава со малку масло. Плескавиците од леб ќе бидат готови кога ќе добијат убава златна боја.