Лесна пита од фета, спанаќ, грашок и пченка покриена со лиснато тесто. Се подготвува за само 15 минути и е одличен избор за ручеци и за ужина без месо, доколку некој не е љубител на месните јадења.

Комбинацијата на состојките е необична, но вкусот е неповторлив!

Состојки:

– 130 г замрзнат спанаќ, па одмрзнат
– 150 г замрзнат грашок, па одмрзнат
– 50 г замрзната пченка, па одмрзната
– 3 средни јајца, изматени
– 200 г фета сирење, крупно издробено
– мал сноп нане, грубо исечкан
– рендана кора и сок од 1 лимон
– 7 листови лиснато тесто
– маслиново масло за четкање
– 2 лажици сусам

Подготовка:

За лесна пита со спанаќ и фета сирење, загрејте ја рерната на 180 степени Целзиусови. Исцедете го спанаќот за да се отстрани што повеќе влага, а потоа ставете го во поголем сад со грашокот, пченката, јајцата, фетата и нането. Зачинете со црн пипер и со малку сол, додајте ја кората од лимон и сокот, па добро измешајте.

На дното од тепсијата ставете лист тесто, намачкајте со маслиново масло, па додајте ги преостанатите листови лиснато тесто, премачкајте ги со масло и распоредете ги така што тавата да биде рамномерно покриена.

Со лажица ставете ги спанаќот, фета, грашокот и пченката во тепсијата, а потоа лиснатото тесто преклопете го врз филот и истуткајте ја површината на тестото. Намачкајте со маслиново масло и посипете со сусам.

Гответе на шпорет, на средно висока топлина, 5 минути за да се загрее основата на питата, а потоа печете во рерна 20-25 минути додека не порумени и не стане цврста на допир. Ако горниот дел премногу брзо порумени, покријте го со фолија. Извадете ја питата и оставете ја да се излади. Уживајте во лесната пита со спанаќ, фета, грашок и пченка!