Супата од домати е една од омилените на многу луѓе. Добрa е од повеќе причини – ако сакате да изгубите вишок килограми, бидејќи ја содржи состојката ликопен, која го намалува нивото на маснотии во нашето тело.

Исто така, прави да се чувствуваме сити подолго, а најдобро од сè е тоа што доматите го намалуваат ризикот за кардиоваскуларни заболувања.

Состојки:

– литар вода
– половина литар варени домати
– 1 лажица брашно
– 1 лажица шеќер
– 1 лажица масло
– малку свеж магдонос
– една пиперка
– една мала лажица сув зачин
– посни нудли

Подготовка:

Во маслото прво пропржете го брашното, додека убаво не порумени.

Потоа прелијте го со вода и со смесата од варените домати, а потоа додајте ја ситно сечканата пиперка.

Сето тоа оставете да зоврие, па додајте ги зачините и малку промешајте. На крајот, додајте ги нудлите, а количината приспособете ја по вкус.