Новиот менаџер на Манчестер јунајтед, Ралф Рангник, кој утре против Кристал Палас ќе дебитира на клупата на „црвените ѓаволи“, ги изненади новинарите со изјавата дека може подолго време да остане на клупата.

Рангник дојде во Јунајтед на местото на Оле Гунар Солскјер кој доби отказ по серијата лоши резултати, и според договорот треба да седи на клупата до крајот на сезоната, а потоа да добие една од функциите во управата.

–  Никогаш не зборувавме што ќе се случува идното лето. Во клубот ми соопштија дека на мене сметаат само на шест месеци и дека на таа тема ќе зборуваме кога ќе дојде време. Доколку ме прашаат за мислење, јас немам ништо против тука да останам повеќе сезони. Таква препорака им дадов и на челниците на Лајпциг кога бев тренер, дека можеби подобро за клубот е кога се соработува подолго време – изјави Рангник.