Рама се пофали: „Луј Витон“ продава чанти со албанско знаме, а „Франк Мулер” часовници со ликот на Скендербег
Еден од најпопуларните луксузни брендови „Луј Витон“ пуштил во продажба чанти на кои стои албанското национално знаме. Ваква информација на својот официјален фејсбук-профил сподели албанскиот премиер Еди Рама, а потоа ја пренесоа и сите медиуми во државата.
– Нова чанта на „Луј Витон“ со најубавото знаме во светот, напиша Рама. Чантата која има типичен дизајн на „Луј Витон”, со албанското знаме чини 9.900 долари.
Рама синоќа на социјалните мрежи објави и дека еден од најпознатите производители на часовници во светот „Франк Мулер“ од Швајцарија пуштил во продажба специјален модел на луксузен часовник изработен од челик и црн титаниум, со ликот на Ѓерѓ Кастриот Скендербег.
Знае ли Рама дека чантата на Луј Витон е стара 5 години?
Парискиот дизајнер Џеј Ахр во 2018. година дизајнираше унисекс винтиџ чанти во соработка со Луј Витон, кои беа достапни на луксузниот сајт за е-трговија Farfetch, дизајнирани во неговиот препознатлив вез. Секоја чанта од колекцијата беше рачно извезена со различни меѓународни знамиња, од Саудиска Арабија и Уругвај, до Јужна Африка и Јапонија. Застапена беше дури и Северна Кореја.
Погледнете ги останатите дизајни: