Финецот Кими Раиконен (41), инаку возач на Формула 1 екипата „Алфа Ромео“, нема да се натпреварува викендов на Големата награда на Холандија, што се вози на патеката Зандворт.

Иако Ф1 сезоната е во тек, Кими пред неколку дена објави крај на својата голема возачка кариера и им се заблагодари на сите што беа дел од неа.

Имено, неговиот тим официјално објави дека Раиконен е позитивен на коронавирусот и исто така изјави дека Финецот нема зголемени симптоми и дека се чувствува добро.

– Рајконен веднаш беше сместен во изолација, во хотел. Целиот тим му посакува побрзо и поуспешно закрепнување – додаваат од тимот на „Алфа Ромео Рејсинг“.

Во болидот „Алфа Ромео“ Раиконен ќе биде заменет од оолскиот возач Роберт Кубица (36) доживеа страшна несреќа на рели во 2011 година, поради што му беше ампутиран дел од десната рака, но со голема волја, по долга рехабилитација, се врати на трките.

Reserve driver Robert Kubica will compete in this weekend’s #DutchGP. Robert, in car #88, will take the place of Kimi Räikkönen, who tested positive to Covid-19. 🗞️ pic.twitter.com/eK5OCQx5om

— Alfa Romeo Racing ORLEN (@alfaromeoracing) September 4, 2021

Тогаш му настрада десната рака, имаше вкупно 18 операции и се мислеше дека кариерата во Ф1 е завршена. Во стравична несреќа, тој ја загуби контролата над „Шкода Фабиа“, излета од патеката и удри во заштитната ограда која го проби целиот кокпит на автомобилот. Првата операција траела дури седум часа, а лекарите морале да му ампутираат дел од десната рака.

Само една година по таа тешка повреда, тој доживеа уште една прилично бизарна – се лизна на мразот пред неговата куќа во Италија и ја скрши десната нога – истата онаа што загина во несреќата и тоа дополнително го забави неговото враќање.

По големата борба за живот, Кубица се врати на трките благодарение на упорноста и волјата, а сега има можност да се докаже во болидот на „Алфа Ромео“ во борбата за ГН на Холандија.