Британската тенисерка Ема Радукану (20) на Вимблдон ќе заработи повеќе од нејзините сонародници Енди Мари и Кети Бултер заедно, иако таа воопшто не игра на терените на Ол Ингланд клубот, затоа што е повредена.

Радукану е многу популарна, има многу спонзори и нејзините спонзорски договори при појавувањето на повеќе штандови на Вимблдон и носат повеќе пари од она што како награди го освоија Мари и Бултер.

Радукану заработува 134.000 фунти неделно од спонзорите, што значи за време на турнирот ќе заработи 268.000 фунти.

Мари (36) доби 85.000 фунти парична награда за пласман во вториот круг, во кој беше драматично поразен од Стефанос Циципас во пет сета одиграни во текот на два дена.

Кети Бултер (26) успеа да стигне до третото коло, но беше убедливо поразена со 6-1, 6-1 од бранителот на титулата Елена Рибакина. Таа од наградите заработи 131.000 фунти.