Работните места главни жаришта на коронавирусот во Франција
Затворите и јавниот превоз, вклучувајќи ги и возовите и авионите, учествуваат само со 1 отсто, а училиштата и универзитетите со 4 отсто.
Работните места се главни жаришта на коронавирусот во Франција и претпријатијата би требало да им овозможат на работниците да работат од дома колку што е тоа можно после летните одмори, рече угледниот експерт за коронавирус.
Неделните податоци на министерството за здравство покажуваат дека од 9 мај приватните и јавните претпријатија учествувале со 22 отсто од 609 жаришта на заразата. Здравствените власти ги истражуваат речиси третина.
Податоците, кои не опфаќаат пензионерски домови и семејства, покажуваат и дека здравствените установи заедно се 16 отсто од жариштата, а пошироките семејства 14 отсто.
Затворите и јавниот превоз, вклучувајќи ги и возовите и авионите, учествуваат само со 1 отсто, а училиштата и универзитетите со 4 отсто.
„Со оглед на тоа дека претпрејатијата имаа највисока стапка како жаришта на корона, треба да пропишеме задолжително носење маски во сите затворени простории, вклучувајќи и приватни фирми“, рече Ерик Кауме, шеф на Одделението за заразни болести на прашката болница Ла Питие-Салпетриер за радио станицата Франсинфо.
Кога е тоа можно, претпријатијата би требало и натаму да им овозможат на работниците да работат од дома, додава тој, сметјќи дека тоа е разумно,.