Работата од соништата! Оваа компанија нуди плата од 11.600 евра за да спиете
Компанијата „Бенсон фор бедс“ (Bensons for Beds) нуди работа за улогата „Главен за спиење“ (Chief Sleep Officer – ЦСО), односно бара личност која би заработувала со спиење.
Ова навистина звучи како работа од соништата, а избраната личност ќе добие 10.000 фунти (околу 11.600 евра) за шест месеци вработување со половина работно време кое покрива 874 часа обука, спиење и бесплатно купување, пишува „Дејли стар“.
„Среќниот кандидат ќе може да тестира до еден душек на секои две недели, четири перници месечно и една рамка за кревет на секои шест недели“, објаснила Кери Вествел, шеф на одделот за човечки ресурси во оваа британска компанија.
„Тоа е совршена улога за секој што сака да го надополни својот постоечки приход или сака да ја истражи индустријата за кревети пред да направи голем чекор и промена во кариерата“, додала таа.