Прво олимписко злато на одбојкарките на САД, Србија бронзена
Женската одбојкарска репрезентација на САД е нов олимписки шампион откако во финалето го победи Бразил со убедливи 3:0 во сетови и тоа 25:21,25:20,25:14.
Ова е прв златен олимписки медал на одбојкарките на САД, откако претходно три пати губеа во финалињата на Игрите. Од друга страна, Бразил по победите на Игрите во 2008 и 2012 година, за прв е поразен во финале.
Неверојатен успех оствари и селекторот на САД, Карч Кирали кој беше олимписки шампион член на репрезентацијата на САД, но беше шампион и во одбојка на песок, а сега дојде до златен медал и како селектор.
GOLD! 🥇🥇🥇
USA 🇺🇸 defeats Brazil 🇧🇷 3-0 for the first-ever Olympic gold medal for U.S. women’s volleyball. @JordanLarson10 with the final point. #Tokyo2020
📷@volleyballworld pic.twitter.com/UYDHUMK7Ft
— USA Volleyball (@usavolleyball) August 8, 2021
Одбојкарките на САД на доминантен начин дојдоа до победата, блокот одлично функционираше , а беа расположени и во нападот и не им дозволија на Бразилките да дојдат до својата игра.
Најдобра кај новиот олимписки шампион беше Андреа Друз со 15 поени, Мишел Барч-Гекли освои 14, Џордан Ларсон 12 поени.
Во натпреварот за третото место, Србија со 3:0 во сетови (25:18,25:15,25:15) ја совлада Јужна Кореја. На овој натпревар блескаше Тијана Бошковиќ која освои 33 поени.
🥉🇷🇸 BRONZAA je našaa!!
Bravoo devojke, još jednom ste dokazale svoj kvalitet! 👏
Pobeđena Južna Koreja sa 3:0 u borbi za 5️⃣. bronzanu i ukupno 8️⃣. medalju za #TeamSerbia #JedanTimIstiCilj #ZaSrbiju #Tokyo2020 @ekoserbia pic.twitter.com/u4lNGTFjkl
— Team Serbia (@OKSrbije) August 8, 2021