Како секој млад човек, потребата за истражување и сопствен развој Марија Ќурчиева континуирано ги надградува со формално и со неформално образование. Движењето кон совршеното во секој аспект е секојдневна инспирација за неа како иден етаблиран уметник.

Така, ученичката во средното уметничко училиште „Лазар Личеноски“ стигна до својата прва самостојна изложба, насловувајќи ја „Движење“. Преку визуелната уметност младата авторка во „Движење“ го покажува внатрешното движење изразено преку малите детали од секојдневниот живот.

Изложбата е поставена во МКЦ (Галерија 2, горно фоаје), а при посетата задолжително е да се применуваат мерките за заштита од коронавирусот.

(Текстот е објавен во „Културен печат“ број 37, во печатеното издание на „Слободен печат“ на 27-28 јуни 2020)