Групата која пробала од Јужна Америка во Шпанија да пренесат дури 800 килограми кокаин имала целосен план за како да ја пренесе дрогата во Европа.

Тие пред неколку месеци купиле едрилица во Мексико, а Владислав Фунштајн околу себе собрал група на луѓе на кои им верувал: двајца кои би управувале со едрилицата – Драган Џанковиќ од Србија и Сергеј Рашохин од Русија, финансиерот на „операцијата“ – Мирко Џанковиќ, но и нуркач од Мексико, Емануел Алехандро Асевес Куевас.

Планот се состоел од четири чекори:

– Преземање од Мексико – Групата шверцери ја преземала пратката на кокаин од западниот дел на Мексико. Се претпоставува дека робата ја добиле од тамошните нарко-кланови.

– Со едрилица до Шпанија – Потоа тие се упатиле на патување долго 9.000 километри, преку Атлантскиот океан, до брегот на Шпанија.

– Истовар во океан – Кога ќе стигнеле на дестинацијата, кај брегот на Шпанија, групата планирала да го исфрли товарот во океанот и да почека друг брод.

– Улогата на мексиканскиот нуркач – Товарот требал да биде префрлен на брод на друга група на шверцери од страна на мексиканскиот нуркач. Полицијата, сепак, била побрза.