Во текот на денот излезе веста од Франција во која се објави дека фудбалерот на Ница, Алексис Бека Бека, е подготвен да направи самоубиство скокнувајќи од мостот Мањан висок 110 метри, бидејќи девојката го оставила.

Многумина во Франција се плашеа, се сомневаа во најлошото, особено што скокањето од таа висина од сигурно ќе го убие.

Во моментот кога се појавија сликите на социјалните мрежи, фудбалерот веќе бил на оградата однадвор подготвен да скокне и да си го одземе животот.

За среќа, сите брзо реагираа, на терен пристигнаа професионални преговарачи, додека Ница испрати и психолог да му помогне во оваа ситуација.

Сообраќајот беше прекинат, а веднаш се формираше долга колона. Конечно успеале да го убедат Бека Бека да се симне од мостот, а тоа го направиле пожарникарите, кои оттаму го симнале и го однеле на безбедно.