Во Италија повеќе од 50 илјади компании ќе стават клуч на врата, а 350 илјади работници ќе останат на улица поради одложувањето на отварањето на рестораните за први јануари, што ќе биде речиси три месеци од воведувањето на забраните за тргување поради вирусот ковид – 19, соопштува здружението на италијанските угостители „FIPE“.

„FIPE“ протестира поради мерките кои се однесуваат на таканаречената „втора фаза“ во Италија, а која дозволува само достава на храна бидејќи се оценува дека тоа нема да ги спаси баровите и рестораните, поради што многу од нив се осудени да затворат.

Поради продолжувањето на блокадите на уште еден месец, наведува „FIPE“, ќе биде предизвикана штета од дополнителни 9 милијарди евра, а вкупната загуба од почетокот на кризата ќе порасне на 34 милијарди.

Во Италија, најтешко погодена европска земја од Ковид – 19, по два месеци изолација, на 4.мај почнува втора фаза, а повеќе од 60 милиони граѓани ќе имаат повеќе слободно време во внатрешноста на регионите.