Пошта иницира регионална соработка: Се очекува поголема ЕУ поддршка за модернизација и поквалитетни услуги

Меѓународниот поштенски сообраќај помеѓу Северна Македонија и Словенија, бележи зголемување за време на пандемијата и затоа е неопходна поблиска соработка помеѓу националните пошти во двете земји, констатирале на заедничката средба Јани Макрадули, генерален директор на Пошта и Амбасадорот на Словенија, Милан Предан.

-Има голем потенцијал и потреба од поголемо вложување во квалитетни меѓународни поштенски услуги, бидејќи растот на бројот на пратки и писма јасно покажува колку е голема потребата на граѓаните и бизнис-заедницата во двете земји. Поддршката од националната Пошта на Словенија ќе биде особено значајна и во пренесување на искуствата, за побрза модернизација на технолошкиот и процесот на дигитализација на Пошта – оценил Макрадули.

Во рамки на Стратегијата за подобрување на услугите и модернизација на работата на Поштата, реализирани се и други меѓународни средби за зајакнување на регионалната и ЕУ-соработка. Меѓудругото на средбата со амбасадорката на Република Хрватска, Нивес Тигањ, Макрадули, посочил, дека досега не биле реализирани формални заеднички активности помеѓу двете национални пошти и затоа е потребна поголема меѓусебна соработка. Од Пошта на Северна Македонијаза „Слободен печат“, информираат дека веќе се изготвени и писма на интерес за соработка, кои ќе се испратат до националните пошти на Хрватска и Словенија.

Прочитајте и...  Една година од првиот ковид случај во Грција: Поминаа два карантина, речиси 190.000 заразени и над 6.000 починати

На средбата пак со раководителот на секторот за економски прашања, владеење на правото и јавна администрација при Делегацијата на ЕК, Фрејк Јанмат, биле презентирани и стратешките приоритети на Пошта за 2021 година, меѓу кои се финансиската стабилизација на компанијата, дигитализација и воведување е-трговија, спроведување на силна еко-компонента во работата на Пошта на Северна Македонија. Макрадули посочил дека очекува од партнерите во Делегацијата на ЕУ поддршка и за реконструкција на опожарената шалтер-сала која претставува архитектонската гордост на Пошта, но и на целата држава.

– Разговаравме и за можностите за вклучување во други проекти и TAIEX програмата во дел на поддршка на поштенските услуги – посочил Макрадули.

Поврзани вести

Шахпаска: Секој има право на достоинствен живот без оглед на возраст, пол, расна и етничка припадност

Слободен печат

Форбс: САД признаа дека Ф-35 се неуспех

Слободен печат

Нема ли тајвански вакцини, бидејќи оние од Кина ќе стигнат на кинеско куково лето

Ана Анастасовска

ВИДЕО: Иницијатива против урбано дивеење: Ќе бараме средба и со Заев за да се спречи урбаната мафија во Ѓорче

Поради изолација на судијата Огнен Ставрев, рочиштето за „Титаник” одложено за 17 март

Слободен печат

Затворен угостителски објект во село Вруток, работел по дозволеното време

Слободен печат

Остави Коментар