Фудбалската репрезентација на Македонија има убедлива предност од 4:0 по првото полувреме против Гибралтар во рамки на четвртото коло од Лигата на нации.

Селекторот Милевски одлучи да направи седум измени за вечерашниот натпревар, а „црвено-жолтите“ доминираа од првата минута.

Мрежата на аутсајдерот во групата 4 во дивизијата Ц се затресе уште во четвртата минута кога Енис Барди погоди од слободен удар откако претходно еден од играчите на Гибралтар играше со рака.

Македонија продолжи да доминира на Националната Арена „Тодор Проески“ и за само две минути, Бојан Миовски кој доби предност пред Милан Ристовски, постигна два гола.

Миовски во 14 и во 16 минута два пати ја тресеше мрежата на Гибралтар за убедливи 3:0. Четвртиот гол го постигна Дарко Чурлинов во 31 минута.